ஸ்வீடனில் உள்ள வாகனத்தை டெல்லியில் இருந்து இயக்கிய பிரதமர் மோடி: வீடியோ

புதுடெல்லி: ஸ்வீடனில் உள்ள வாகனத்தை டெல்லியில் இருந்து இயக்கி உள்ளார் பிரதமர் மோடி. தலைநகர் டெல்லியில் நடைபெற்று வரும் இந்திய மொபைல் காங்கிரஸ் நிகழ்வில் அவர் ரிமோட் வழியாக காரை இயக்கி இருந்தார். அந்த வீடியோ இப்போது வெளியாகி உள்ளது.

புதுடெல்லியில் உள்ள பிரகதி மைதானத்தில் இந்திய மொபைல் காங்கிரஸ் நிகழ்வு தொடங்கியுள்ளது. இந்த நிகழ்வு மொத்தம் நான்கு நாட்கள் நடைபெறுகின்றன. இதில் தான் பிரதமர் மோடி 5ஜி சேவையை தொடங்கி வைத்தார். அப்போது, காரை விர்ச்சுவலாக இயக்கி உள்ளார் பிரதமர் மோடி. இது இந்தியாவின் 5ஜி சேவை தொடங்கி உள்ளதை வெளிப்படுத்தும் வகையில் அமைந்துள்ளது. இந்த நிகழ்வில் பங்கேற்றுள்ள எரிக்சன் நிறுவன அரங்கில் இந்த சோதனையை அவர் மேற்கொண்டிருந்தார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் {br> /a>