கண்களை சிமிட்டும் பால ராமர் - நெட்டிசன்களை கவர்ந்த ஏஐ வீடியோ

அயோத்தி: உத்தரப் பிரதேச மாநிலம் அயோத்தி நகரில் அமைந்துள்ள ராமர் கோயிலில் திங்கள்கிழமை பால ராமரின் சிலை பிரதிஷ்டை செய்யப்பட்டது. தொடர்ந்து பால ராமர் பக்தர்களுக்கு அருள்பாலித்து வருகிறார். இந்தச் சூழலில், அயோத்தி பால ராமர் கண்களை சிமிட்டும் வகையிலான ஏஐ வீடியோ ஒன்று சமூக வலைதளங்களில் வலம் வருகிறது.

கோலாகலமாக நடைபெற்ற ராமர் கோயில் திறப்பு விழா நிகழ்வில் பிரதமர் மோடி, உத்தரப் பிரதேச மாநில முதல்வர் யோகி ஆதித்யநாத், ஆர்எஸ்எஸ் தலைவர் மோகன் பாகவத் உட்பட பலர் பங்கேற்றனர். கிரிக்கெட் வீரர் சச்சின், நடிகர் ரஜினிகாந்த், தொழிலதிபர் முகேஷ் அம்பானி என பல்வேறு பிரபலங்களும் பங்கேற்றனர். தொடர்ந்து பொதுமக்கள் பால ராமரை தரிசித்து வருகின்றனர். அயோத்தி நகரில் பக்தர்களின் கூட்டம் கட்டுக்கடங்காமல் உள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் {br> /a>