சூரிய குடும்பத்துக்கு அப்பால் உள்ள பூமியைவிட பெரிய கிரகத்தை படம் பிடித்த ஜேம்ஸ் வெப்

வாஷிங்டன்: சூரிய குடும்பத்துக்கு அப்பால் உள்ள பூமியைவிட பெரிய கிரகத்தை, ஜேம்ஸ் வெப் தொலைநோக்கி மூலம் நாசா விஞ்ஞானிகள் முதல் முறையாக நேரடியாக படம் பிடித்துள்ளனர். நான்கு வெவ்வேறு விதமான ஒளி ஃபில்டர்கள் மூலம் இந்த படம் பிடிக்கப்பட்டுள்ளது.

சூரிய குடும்பத்துக்கு அப்பால் உள்ள கிரகங்களை நாசா விஞ்ஞானிகள் ஆய்வு செய்து வருகின்றனர். இந்த கிரகங்கள் ‘எக்ஸோ பிளானட்’ என அழைக்கப்படுகின்றன. ‘எச்ஐபி65426 பி’ என பெயரிடப்பட்ட சூரிய குடும்பத்துக்கு வெளியே உள்ள கிரகத்தை ஜேம்ஸ் வெப் தொலை நோக்கி மூலம் படம்பிடித்து அதை அமெரிக்காவின் நாசா மையம் வெளியிட்டுள்ளது. இது காணப்படாத பிரபஞ்சத்தை ஆராய, ஜேம்ஸ் வெப் தொலைநோக்கியின் பிரம்மாண்ட கலைத்திறனை வெளிப்படுத்துகிறது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் {br> /a>